مواجهة جديدة بين "الأحرار" و"البام" .. فوزي لقجع يأكل مع الذيب و يبكي مع السارح!

ملي كتوصل السياسة والتدبير الحكومي لواحد المستوى ديال العبث، كتولي تشوف العجب!
تخيلوا معايا، السيد فوزي لقجع، الوزير المكلف بالميزانية، اللي في يديه مفاتيح الدعم الحكومي والمالية العامة للبلاد، طالع اليوم كيتحسر على ثمن اللحم اللي وصل لـ 150 و 160 درهم! وكيتحدث على القدرة الشرائية للمواطنين كأنه مواطن عادي أو فاعل جمعوي كيشتكي من الغلاء، ونسى باللي هو بنفسه اللي كان ولا زال ساهر على الميزانية ودعم مستوردي الأغنام والأبقار اللي ما شاف منه المواطن والو غير الغلاء!"
"لقجع، وفي أول رد مباشر وساخن على التسريب الصوتي الشهير ديال رئيس مجلس النواب رشيد الطالبي العلمي، خرج يهاجم في لقاء حزبي بالفقيه بن صالح.
لقجع وصف اللعب بعواطف المغربة في عيد الأضحى وبملف الشناقة والدعم بـ 'الإرهاب الحقيقي'. ومن جهة أخرى، رد على العلمي اللي هدد سابقاً بعدم ترك حقيبة المالية لـ لقجع، وقال باللي حزبه الجديد 'الأصالة والمعاصرة' بعيد على ثقافة توزيع الغنائم والمناصب بدون استحقاق."

"ولكن السؤال اللي يطرح نفسه هنا وبقوة: واش هاد الخرجات والحروب الكلامية بين قطبي الأغلبية الحكومية (الأحرار والبام) هدفها فعلاً دافع على جيب المواطن والقدرة الشرائية؟ أم أننا قدام مسرحية وانتخابات مبكرة وتبادل أدوار، والتراشق بالغنائم والمناصب قبيل الاستحقاقات؟
كيفاش وزير مكلف بالميزانية يشتكي من غلاء اللحم اللي هو مسؤول على الدعم ديالو؟ وكيفاش قياديين في نفس الحكومة كانوا حلفاء، واليوم كيتمايزوا وكيتبادلو الاتهامات بالترهيب والترغيب؟"