حادثة الطفلة غيثة بدار بوعزة ودموع أبيها .. حين تدهس عجلات الرفاهية براءة الطفولة وتسائل العدالة

#العدالة_لغيثة.. حادثة الطفلة غيثة بدار بوعزة ودموع أبيها.. حين تدهس عجلات الرفاهية براءة الطفولة وتسائل العدالة

غيثة الطفلة كانت كتلعّب فـي شاطئ سيدي رحال بلاصة عامرة بالعائلات ببراءتها، حتى جات طوموبيل رباعية الدفع كتدير حركات خطيرة وسط الناس، بلا ما تهتم لا بالأمان لا بالأرواح او ضربtها
ولكن اللي زاد حرقة فـي قلب الأب، هو كلامو اللي قال فـي تصريح مؤلم:
من بعد الحادث، جا واحد من عائلة السائق وقاليه ببرودة دم: حنا عندنا الفلوس
وكأن الفلوس كتشرى بيها كلشي، حتى حق بنتو
وزاد الأب كايقول: يعني بنتنا واخا tموtعادي؟
هو باغي غير العدالةلبنيتو.
غيثة تصابت فـي راسها وفكها، ودابا راقدة فـي السبيطار.
وكيحكي الأب بحرقة: دابا عندي سيمانة ما رجعتش للدار… كانت هي اللي كتجري تفتح لي الباب وتعنقني
واش سيبة فالبلاد صافي لعندو الفلوس إقtل أي واحد مسكينة البنت باقة صغيرة 4 سنين ومبقاتش فيهم معندهمش القلب وحوش الله إياخود فيهم الحق
صوت داك الشخص قال: عندنا الفلوس
ولكن صوت الشعب أقوى…
ومن حقنا كاملين نوقفو مع غيثة، باش تولّي قضيتها قضية رأي عام