خطبة الجمعة الموحدة حول تضييع الماء في الوضوء والغسل تغضب مغاربة..واش الفقراء هوما لي كيضيعو الماء؟
خطبة الجمعة الموحدة اليوم كانت على تضييع الماء بسبب الوضوء، ومنطلق الخطبة كان بالحديث: (ما هذا الإسراف؟) ، فقال: أفي الوضوء إسراف؟ قال (نعم وإن كنت على نهر جارٍ).
يعني السبب في ندرة المياه ايها المواطن المسلم هو نتا، علاش كتوضى أصلا؟ تقدر مثلا تيمم، ولا گاع هني الوقت وبدل الديانة باش ماتوضاش يبقى عندنا الماء.
وبطبيعة الحال يحرم الحديث في الخطب عن اصحاب ضيعات البطيخ ولافوكا وعن اصحاب، انطلاقا من قوله تعالى: "وجعلنا من الماء كل شيء حي". أي ان الاولوية للافوكا على حساب الوضوء.
" ملخص خطبة الجمعة يوم أمس" 🚫⛔️🔞
الفقراء هوما لي كيضيعو الماء حيتاش كايتوضاو وكايغتاسلو بزااف وهدشي علاش خاصكم تنقصو من الماء ديال الوضوء... أما الماء الكثيييير لي كيتزرع بيه لافوكا و كتصدر ليهم مجبدوهاش و حتى الفواكة ليك كتستهلك الماء بزاف و كتصدر و تجيب العملة الصعبة لواحد الطبقة فقط حتى هي مجبدوهاش مسابح الفيلات ديال الشخصيات المهمة مجبدوهاش واقيلة كيجيبو الماء ديال البحر ولا شي ماء مكاينش
بخلاصة الخطبة موجهة للطبقة الفقيرة تقاو الله في الماء
أما الطبقة الغنية لي كاتسرف في الماء ماشي غير كتستهلكو هادوك عين ميكة منجبدوش الإسراف لي كيديرو