أجي تشوفو بعد الاعلان على تعديلات مدونة الأسرة المثيرة للجدل..نـهاية الـزواج بالمغرب ؟!!

التعديلات اللي دارتها مدونة الأسرة كاتخلق بزاف ديال الجدل، حيث كاين اللي كيشوفها خطوة مزيانة (خصوصاً النسااء)، وكاين اللي كيشوفها متعارضة مع الشريعة الإسلامية. ولكن خاصنا نوضحوا حاجة مهمة: أي تعديل كايتعارض مع الاحكام الشرعية ماشي مبرر نتبعوه غير حيت القانون كاينص عليه.
الإسلام كان واضح منذ البداية في تنظيم العلاقات الأسرية وحماية حقوق جميع الأطراف، سواء رجال، نساء أو أطفال. الشرع ديما كيحرص على العدل، وما يمكنش يكون شي تعديل صحيح إلا إذا كان متوافق مع أوامر الله وسنة النبي ﷺ.
اللي مؤمن بصح ما يمكنش يرضى ى ياخد حق ماشي ديالو، سواء فالحضانة، النفقة أو حتى الإرث، حيت الظلم ما عندوش مبرر. الشرع كيوصي بالعدل وكيحذر من الظلم، وحتى القوانين اللي كيديروها المجالس العلمية أو الهيئات القانونية، خاصها تكون مبنية على النصوص الشرعية

الزواج قبل كل شيء مودة ورحمة وميتاق غليظ ماشي حلبة مصارعة شكون لي غينتاصر في الأخير ولي فنيتو انه يدخل مؤسسة الزواج وانشاء اسرة سليمة على النهج السليم والصحيح مغتخلعو لا مدونة ولا شيء آخر ونسأل الله تعالى أن يوفقنا لما يحبه ويرضاه جميعا والسلام